Pokiston tashqi ishlar vaziri: Biz Afg‘onistonda tinchlikni saqlash tarafdorimiz

Afg‘oniston masalasi bo‘yicha Toshkent konferensiyasida Pokiston tashqi ishlar vaziri Xavaja Muhammad Asif so‘zga chiqdi, deb yozadi O‘zA.

Afg‘onistonda tinchlikni ta’minlashga katta mas’uliyat bilan yondashayotgan O‘zbekiston rahbariyatiga minnatdorlik bildiramiz. Bugun O‘zbekistonning mintaqada do‘stona aloqalarni mustahkamlab, tinchlik va xavfsizlikni ta’minlashda hal qiluvchi ahamiyat kasb etayotgan sa’y-harakatlari juda muhimdir. Pokiston har doim Afg‘onistonda tinchlikni saqlash tarafdori bo‘lib kelgan. Bundan keyin ham bu yo‘lda sobitqadamlik bilan harakat qilamiz.

Pokiston Afg‘oniston xalqi va hukumatini hamisha qo‘llab-quvvatlashga tayyor. Bugun ko‘plab Afg‘on yoshlari bizning yurtimizda tahsil olmoqda.

Afg‘oniston bilan qo‘shnimiz. Demak, bu yerdagi notinch muhit bevosita barchamizga salbiy ta’sir etadi. Shu bois, barchamiz Afg‘oniston tinchligi uchun bir yoqadan bosh chiqarib, hamjihatlikda kurashmog‘imiz zarur.

Xavaja Muhammad Asif, Pokiston tashqi ishlar vaziri