Jizzax viloyatining Forish tumani, Uxum mahallasida yashovchi B.Tojiyev 2004-yilda tug‘ilgan qizi D.Tojiboyeva 22-mart kuni uyidan qoramollarni boqish uchun chiqib ketib, bedarak yo‘qolgani yuzasidan IIBga murojaat qildi. Bu haqda IIV jamoatchilik va OAV bilan aloqalar boshqarmasi xabar berdi.
Olib borilgan qidiruv ishlari davomida 23-mart kuni shu mahalla hududida joylashgan tog‘ yon bag‘ridan D.Tojiboyevaning bo‘g‘ib o‘ldirilib, toshlar tagiga ko‘milgan jasadi topildi.
Ko‘rilgan choralar natijasida ushbu jinoyatni 22-mart soat 9:00 atrofida qizning mahalladoshi, 1995-yilda tug‘ilgan T.Oltiyev sodir etganligi aniqlandi va u qo‘lga olindi.
Izoh (0)