Toshkentda o‘tadigan Afg‘oniston bo‘yicha xalqaro konferensiyaning rasmiy xeshtegi qabul qilindi. Bu haqda O‘zbekiston Prezidentining matbuot kotibi Komil Allamjonov Facebook’dagi sahifasida ma’lum qildi.
“Ushbu #UzAfg2018 orqali ijtimoiy tarmoqlarda o‘z fikrlaringiz, sharhlaringizni yozing. Maxsus monitoring guruhi izohlaringizni o‘rganib boradi. Har qanday fikr, nuqtai nazar muhim. Biz Afg‘onistonda tinchlik tarafdorimiz!”— deyiladi matbuot kotibi qoldirgan xabarda.
Eslatib o‘tamiz, oldinroq Komil Allamjonov Afg‘oniston bo‘yicha Toshkent konferensiyasida 20 dan ortiq davlat, nufuzli xalqaro tashkilotlar delegatsiyalari ishtirok etishini bildirgandi.
Izoh (0)