Kecha Chempionlar ligasining 1/8 finali o‘z nihoyasiga yetdi. “Bavariya” va “Barselona” o‘z raqiblariga hech qanday imkoniyat qoldirmagan holda 1/4 final yo‘llanmasiga ega chiqdi. Shu tariqa kuchli sakkizlikka kirgan barcha jamoalar nomi ma’lum bo‘ldi.
Leo Messi Chempionlar ligasidagi 100-golini urgan o‘yinda “Barselona” “Chelsi”ni tor-mor etdi
Yevropaning quyidagi jamoalari 1/4 finalida ishtirok etadi:
- “Bavariya” (Germaniya)
- “Barselona” (Ispaniya)
- “Liverpul” (Angliya)
- “Manchester Siti” (Angliya)
- “Real” (Madrid, Ispaniya)
- “Roma” (Italiya)
- “Sevilya” (Ispaniya)
- “Yuventus” (Italiya)
“Bavariya” “Beshiktosh”ni safarda ham mag‘lub etdi. Umumiy hisob 8:1 nemislar foydasiga
Chorak final qur’asi ertaga, 16-mart kuni soat 16:00 da bo‘lib o‘tadi. Bunda jamoalar savatchalarga ajratilmaydi. Shuningdek, bu bosqichda qur’aga ko‘ra, bir mamlakat klublari o‘zaro to‘qnash kelishi mumkin. Ya’ni “Barselona” va “Real”ning ushbu bosqichda o‘zaro uchrashib qolishiga hech qanday to‘siq yo‘q.
Chorak finalning dastlabki o‘yinlari 3—4-aprel, javob bahslari esa 10—11-aprel kunlari bo‘lib o‘tadi.
Futbol-TV qur’a marosimini jonli translyatsiya qilishni rejalashtirgan.
Izoh (0)