O‘yin “Barselona”ning 3:0 hisobidagi yirik hisobdagi g‘alabasi bilan yakunlandi. Uchrashuvdagi 2 ta gol Leo Messi hisobiga yozildi. Shuningdek, Messining uzatmasidan so‘ng Usmon Dembele ham o‘z nomini tabloga yozdirib qo‘yishga erishdi. Shu tariqa “Barselona” Chempionlar ligasidagi yurishini davom ettiradigan bo‘ldi.
Messining “Chelsi” qarshi o‘tgan o‘yinda kiritgan 2-goli uning YeChLdagi 100-goli bo‘ldi. Leo yuzlik dovonini Krishtianu Ronaldudan keyin zabt etgan ikkinchi futbolchiga aylandi.
Messining o‘yindagi birinchi goli esa uning faoliyatidagi eng tezkor goli bo‘ldi. U o‘yinning 128-soniyasida gol urishga erishdi.
Shu tariqa chorak finalga yo‘llanma olgan barcha jamoalar nomi ma’lum bo‘ldi: “Real”, “Liverpul”, “Manchester Siti”, “Yuventus”, “Roma”, “Sevilya” ,“Bavariya” va “Barselona”
1/8 final javob uchrashuvi
14-mart, chorshanba
“Barselona” — “Chelsi” 3:0
Gollar: 1:0 – 3 Lionel Messi, 2:0 – 20 Usmon Dembele, 3:0 – 63 Lionel Messi.
Ogohlantirishlar: Serji Roberto (22), Villian (45), Olivye Jiru (49), Markos Alonso (75).
Izoh (0)