Кеча Чемпионлар лигасининг 1/8 финали ўз ниҳоясига етди. «Бавария» ва «Барселона» ўз рақибларига ҳеч қандай имконият қолдирмаган ҳолда 1/4 финал йўлланмасига эга чиқди. Шу тариқа кучли саккизликка кирган барча жамоалар номи маълум бўлди.
Лео Месси Чемпионлар лигасидаги 100-голини урган ўйинда «Барселона» «Челси»ни тор-мор этди
Европанинг қуйидаги жамоалари 1/4 финалида иштирок этади:
- «Бавария» (Германия)
- «Барселона» (Испания)
- «Ливерпуль» (Англия)
- «Манчестер Сити» (Англия)
- «Реал» (Мадрид, Испания)
- «Рома» (Италия)
- «Севилья» (Испания)
- «Ювентус» (Италия)
«Бавария» «Бешиктош»ни сафарда ҳам мағлуб этди. Умумий ҳисоб 8:1 немислар фойдасига
Чорак финал қуръаси эртага, 16 март куни соат 16:00 да бўлиб ўтади. Бунда жамоалар саватчаларга ажратилмайди. Шунингдек, бу босқичда қуръага кўра, бир мамлакат клублари ўзаро тўқнаш келиши мумкин. Яъни «Барселона» ва «Реал»нинг ушбу босқичда ўзаро учрашиб қолишига ҳеч қандай тўсиқ йўқ.
Чорак финалнинг дастлабки ўйинлари 3—4 апрель, жавоб баҳслари эса 10—11 апрель кунлари бўлиб ўтади.
Futbol-TV қуръа маросимини жонли трансляция қилишни режалаштирган.
Изоҳ (0)