O‘zbekistonning Ukrainadagi diplomatik vakolatxonasi ko‘magida “Ukr-O‘zAvto” kompaniyasi Kiyevda Ravon R3 avtomobili taqdimotini o‘tkazdi, deb yozadi “Jahon” AA.
Tadbir chog‘ida avtomobil sanoati O‘zbekiston mustaqillik tufayli erishgan asosiy yutuqlardan biri ekanligi ta’kidlandi. Bunday zavodlarning qurilishi va zamonaviy avtomobillar ishlab chiqarishning o‘zlashtirilishi o‘z rivojlanish yo‘lida ishonch bilan borayotgan O‘zbekistonning izchil iqtisodiy siyosati muvaffaqiyati guvohi ekanligi qayd etildi.
Agentlik qo‘shimcha qilishicha, “AIG Avtokonsalting” kompaniyasi ma’lumotlariga ko‘ra, Ravon brendi Mercedes-Benz, Audi, Suzuki, Peugeot, Citroen kabi rusumlarni ortda qoldirib, Ukrainada eng ko‘p sotiladigan avtomobillar yuqori o‘nligiga kirgan.
Izoh (0)