Kongo Demokratik respublikasida 2 milliondan oshiq bola ochlikdan oqibatida o‘lim yoqasida turibdi. Bu haqda BMT gumanitar masalalar bo‘yicha oliy komissari boshqarmasi rasmiy vakili Yens Lerke ma’lum qildi, deya xabar beradi “RIA Novosti”.
“Ularga zarur yordam ko‘rsatilmasa, o‘limga mahkum bo‘lishlari aniq. Bu BMTning mamlakatdagi gumanitar xodimlari guruhi bahosi”, — dedi maxsus vakil.
Lerkega ko‘ra, 11-mart kuni BMT gumanitar koordinatori Mark Loukok Kongoga yo‘l oladi va bu yerda vaqtinchalik qochoqlar bilan bog‘liq vaziyatni o‘rganadi. Jumladan, eng ko‘p qochoqlar to‘plangan Tanganika ko‘li mintaqasida bo‘ladi.
Ma’lumot uchun, mamlakatda 4,5 million kishi uyini tark etishga majbur bo‘lgani bildiriladi.
Izoh (0)