“O‘zbekiston havo yo‘llari” milliy aviakompaniyasi Navro‘z bayrami kunlarida barcha ichki reyslarga chegirmalar joriy qildi. Bu haqda kompaniya matbuot xizmati xabar qildi, deb yozadi O‘zA.
Ta’kidlanishicha, O‘zbekiston Respublikasi Prezidentining “2018-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi Farmoniga muvofiq, Navro‘z bayrami munosabati bilan 2018-yilning 18—22-mart kunlari “O‘zbekiston havo yo‘llari” MAK direksiyasi tomonidan barcha ichki reyslarga chegirmalar tizimi ishlab chiqilgan.
Unga ko‘ra, 18, 19, 20, 21 va 22-mart kunlari mahalliy reyslarga quyidagicha chegirmalar tizimi amal qiladi:
- individual yo‘lovchilarga – 30 foiz;
- sayyohlik guruhlari, maktab, litsey va kollej o‘quvchilari, oliy o‘quv yurtlari talabalariga – 40 foiz;
- 2 yoshdan 12 yoshgacha bo‘lgan farzandlari bo‘lgan ota-onalarga – 50 foiz.
Izoh (0)