Mungli ko‘zlari bilan boqib turgan suratdagi qizchaning ismi Sevinchxon Burxonova. U 2012-yilning 6-mart sanasida Buxoro viloyatining Vobkent tumanida tug‘ilgan. Qizcha tug‘ilganida uning ota-onasi hayoti quvonchga to‘la bo‘lsin, ko‘zlari doimo sevinchdan porlab tursin, deya unga Sevinch deya ism qo‘ygan. Ammo qariyb bir yildan beri Sevinchxonning joni azobda. Uning kunlari shifoxonada, turli ukol-u dorilar qabul qilish bilan o‘tmoqda. Shu sabab, u hozirda juda g‘amgin bo‘lib qolgan.
Sevinchxon 2017-yilning avgust oyida taqdirning murakkab sinovlariga duchor bo‘ldi. O‘shanda qizchaga o‘tkir leykoz, V2 turi birinchi faol davri tashxisi qo‘yildi. Bu qizchaning oilasi uchun juda qattiq zarba bo‘ldi. Sababi, oila mahalladagi kam ta’minlangan oilalardan biri hisoblanadi. Uning bobosi va buvisi nogironligi bo‘lgan shaxslar ro‘yxatida turadi, ota-onasi hech qayerda ishlamaydi.
Sevinchxonning shu kungacha bo‘lgan muolajalari va dorilari uchun 70 ming dollardan ortiqroq mablag‘ sarflandi.
“Hozirgacha ko‘p narsamizni sotib keldik. Sotmaganimiz bitta uyimiz koldi. Qulog‘imizgacha qarzga botdik. Qarindoshlarimizdan 50 million, dorixonadan 4 million so‘m qarzimiz mavjud. Gematologiya va qon quyish ilmiy markazi klinikasiga kelgan paytlarimizda 70 ming dollardan ortiq mablag‘ ketgan”, — deydi Sevinchxonning onasi .
Sevinchxon kelgusi besh yil davomida davolanib yurishi zarur. Shuningdek, ikki yil qo‘llab-quvvatlovdan keyin tabletka ichib yurishi kerak.
“Dorilari juda qimmat. Kimyo terapiya kurslari muolajalari uchun juda katta mablag‘ talab etilarkan. Yaxshi insonlardan xolis moddiy yordam berishlarini o‘tinib so‘rayman",— deydi Sevinchxonning onasi.
Barcha saxovatpesha insonlardan Sevinchxonga imkon qadar xolis moddiy yordam berishlarini so‘rab qolamiz!
Xayriya qilmoqchi bo‘lganlar uchun kerakli ma’lumotlar:
Plastik karta orqali: (Click, Payme) Faxriyeva Sitora Navruzovna.
Agrobank: 8600-0417-7863-5855.
Xalkbank: 8600-0609-9414-9632
Onasining telefon raqami: +998998724647
Izoh (0)