Meksika fuqaro mudofaasi milliy xizmati 18-fevral kuni Oaxaka shtatining kuchli zilziladan aziyat chekkan 33 ta tumanida favqulodda holat e’lon qildi. Bu haqda “Korrespondent.net” xabar bermoqda.
Favqulodda holat e’lon qilinishini shtat ma’muriyati talab qilgan. Bu holat shtatga tabiiy ofatlar asoratlarini bartaraf etish bo‘yicha maxsus fond mablag‘idan foydalanish imkoniyatini beradi.
Avvalroq, Meksikaning Oaxaka shtatida 7,2 magnitudali zilzila sodir bo‘lgani haqida xabar berilgan edi. Zilzila oqibatida yuzlab qurilishlar, 1,3 millionta uy va savdo shoxobchalari elektr energiyasisiz qolgan.
Izoh (0)