Ilon Maskning Space X kompaniyasi 6-fevralda eng og‘ir Falcon Heavy eltuvchi raketasida Tesla Roadster elektrokarini kosmosga uchirdi. Mashinaga o‘rnatilgan kameralar uni 8-fevralga qadar tasvirga oldi, keyin esa ular o‘chirildi, deb yozmoqda TJournal.
Kosmosdagi Tesla turli munosabatlarga sabab bo‘ldi. Xususan, Mask o‘z harakati bilan Yerning tekisligi haqidagi nazariyani yo‘qqa chiqardi, chunki uning dumaloqligi elektrokardagi kamera orqali aniq ko‘rinib turdi.
Biroq Yerning tekisligi nazariyasi tarafdorlari Ilon Maskka ishonmadi. Mazkur nazariya tarafdorlari raketa uchirilganidan so‘ng Falcon Heavy bilan bog‘liq xabarlarga ehtiyotkorlik bilan munosabatda bo‘lishga chaqirgan.
Yerning tekisligi tarafdorlar Xalqaro konferensiyasining tashkilotchisi Mark Sarjentning fikricha, Space X raketa parvozini shunday uyushtirdiki, natijada Yerning aslida tekis ekanligi ko‘rinmadi. Uning so‘zlariga ko‘ra, raketa parvozining haqiqiyligini ham isbotlash kerak bo‘ladi.
Izoh (0)