11-fevral kuni soat 5.40 da Samarqand viloyati, Pastdarg‘om tumanidagi “Charxin” MFYda joylashgan uyda gaz-havo aralashmasi portladi. Bu haqda FVV axborot xizmati xabar bermoqda.
Portlash oqibatida uy ikkinchi qavatining bir qismi qulab tushdi. Tabiiy gazdan foydalanish qoidalarining buzilishi portlashning asosiy sababi sifatida ko‘rilmoqda.
Voqea joyida viloyat hokimligi, IIB, FVB, SSB va boshqa tegishli idoralarning kuch va vositalarini jalb qilgan holda favqulodda vaziyat oqibatlarini bartaraf etish choralari ko‘rilmoqda..
“Xabar.uz” manbasiga ko‘ra, ushbu fojia oqibatida 6 kishi — 2 ayol va 4 nafar bola hayotdan ko‘z yumdi. Bir kishi og‘ir holatda kasalxonaga yetkazildi.
Izoh (0)