Eron prezidenti Hasan Ruhoniy Tehronda Tashqi ishlar vaziri Abdulaziz Komilov boshchiligidagi O‘zbekiston delegatsiyasini qabul qildi. Bu haqda vazirlik matbuot xizmati ma’lum qildi.
Vazir Eron rahbariga qabul uchun minnatdorlik bildirdi va O‘zbekiston Prezidenti Shavkat Mirziyoyevning Hasan Ruhoniy va Eron xalqiga samimiy tilaklarini yetkazdi.
Uchrashuv davomida o‘zaro munosabatlarning rivojlanish istiqbollari, ikki davlat rahbarlarining 2017-yil sentabrda Ostonadagi uchrashuvida erishilgan kelishuvlarni amalga oshirilishi muhokama qilindi.
Mintaqaviy muammolar, jumladan, Afg‘onistondagi vaziyat ko‘rib chiqildi. Eron prezidenti O‘zbekistonning Afg‘oniston bo‘yicha xalqaro konferensiya o‘tkazish tashabbusini qo‘llab-quvvatladi.
Uchrashuvda ikki tomon manfaati uchun xizmat qiladigan siyosiy va iqtisodiy masalalar ham muhokama etildi.
Izoh (0)