O‘zbekistonda xalqaro avtobuslarning tungi vaqtda qatnashiga yana ruxsat beriladi. Bu Prezidentning “Ichki turizmni jadal rivojlantirishni ta’minlash chora-tadbirlari to‘g‘risida”gi qarorida ko‘zda tutilgan, deb yozadi “Spot.uz”.
2018-yilning mayigacha O‘zbekiston Respublikasida avtobusda tashish xavfsizligini ta’minlash talablariga o‘zgartish va qo‘shimchalar kiritish rejalashtirilmoqda, ular quyidagilarni bekor qilishni nazarda tutadi:
- sayyohlik avtobuslariga hamrohlik qilish — ushbu avtobuslar xavfsizlik talablariga javob berishi sharti bilan;
- bo‘sh (yuksiz) avtobuslarni tungi vaqtda tashishning taqiqlanishi — ikkita haydovchi bo‘lishi sharti bilan;
- fuqarolarning respublika bo‘ylab guruh safarlarini tashkillashtirishda hokimliklar huzuridagi Yo‘l xavfsizligini ta’minlash komissiyasi bilan muvofiqlashtirish jarayonlari va boshqalar.
Izoh (0)