Mamlakat delegatsiyasi KXDR Oliy xalq yig‘ini (parlament) prezidiumi raisi Kim Yon Nam boshchiligida 9-fevral, juma kuni Koreya Respublikasiga yetib keldi, deb yozadi “TASS”.

Foto: “RIA Novosti”

Pxenyan samolyoti Janubiy Koreya poytaxti yaqinidagi Inchxon xalqaro aeroportiga qo‘ndi. KXDR yetakchisi Kim Chen Inning singlisi Kim Yo Chjon ham 22 kishidan iborat delegatsiya tarkibida.

Delegatsiya Pxyonchxan uyezdiga yo‘l oladi va u yerdan kechqurun qishki Olimpiada o‘yinlari ochilishi marosimini kuzatadi. Bundan oldinroq Shimoliy koreyaliklar Koreya Respublikasi prezidenti Mun Chje In nomidan uyushtiriladigan kechki ovqatga qatnashadi. Unda yana 20 ga yaqin davlatning birinchi shaxslari yoki ularning vakillari ham ishtirok etadi.

10-fevral, shanba kuni delegatlar Seulga qaytadi, u yerda Janubiy Koreya yetakchisi bilan uchrashuv bo‘lib o‘tadi.