O‘zbekiston Turizmni rivojlantirish davlat qo‘mitasi “Qarshi” xalqaro aeroportini xalqaro aeroportlarni boshqarish bo‘yicha maxsus kompaniya boshqaruviga berishni ko‘zda tutuvchi “Qarshi” xalqaro aeroportini rivojlantirish konsepsiyasini ishlab chiqmoqda. Bu O‘zbekiston Prezidenti Shavkat Mirziyoyevning “Kirish turizmini rivojlantirish chora-tadbirlari to‘g‘risida”gi qarorida ko‘zda tutilgan, deb yozadi “Gazeta.uz”.
Aeroportni “O‘zbekiston havo yo‘llari” MAKning tarkibidan chiqarish rejalashtirilmoqda. Uning hududida “Ochiq osmon” rejimi, shu jumladan, loukoster aviakompaniyalarini jalb qilgan holda joriy qilinadi.
Konsepsiya 2018-yil 1-iyulgacha bo‘lgan muddatda ilg‘or xorijiy tajribani o‘rganish asosida tayyorlanishi kerak.
Izoh (0)