O‘zbekistonda ishlatiladigan suvning 90 foizi agrar soha hissasiga to‘g‘ri keladi. Bu haqda Qishloq va suv xo‘jaligi vazirligi axborot xizmati ma’lum qildi, deya xabar beradi “Xalq so‘zi”.
Keyingi yillarda ekinlarni sug‘orishda innovatsion texnologiyalardan foydalanish, tejamkor usullarni qo‘llash, shuningdek, yerlarning meliorativ holatini yaxshilash chora-tadbirlari ko‘rilyapti. Natijada yillik foydalanilayotgan suvning umumiy miqdori o‘tgan asrning 80-yillariga nisbatan 20 foiz kamaytirilishiga erishildi.
Biroq, hududlarda suv resurslaridan samarasiz va va maqsadsiz foydalanish holatlari hamon uchrab turibdi. 2017-yil davomida irrigatsiya tizimlaridan suv olish qoidalarini buzish, suvni xo‘jasizlarcha ishlatish, uning hisobini yuritish qoidalariga amal qilmaslikka oid 2684 ta holat aniqlandi.
Suv va suvdan foydalanish borasidagi qonun-qoidalarni buzgan shaxslardan 603,4 million so‘m jarima undirildi.
Izoh (0)