Ўзбекистон Туризмни ривожлантириш давлат қўмитаси «Қарши» халқаро аэропортини халқаро аэропортларни бошқариш бўйича махсус компания бошқарувига беришни кўзда тутувчи «Қарши» халқаро аэропортини ривожлантириш концепциясини ишлаб чиқмоқда. Бу Ўзбекистон Президенти Шавкат Мирзиёевнинг «Кириш туризмини ривожлантириш чора-тадбирлари тўғрисида»ги қарорида кўзда тутилган, деб ёзади «Газета.uz».
Аэропортни «Ўзбекистон ҳаво йўллари» МАКнинг таркибидан чиқариш режалаштирилмоқда. Унинг ҳудудида «Очиқ осмон» режими, шу жумладан, лоукостер авиакомпанияларини жалб қилган ҳолда жорий қилинади.
Концепция 2018 йил 1 июлгача бўлган муддатда илғор хорижий тажрибани ўрганиш асосида тайёрланиши керак.
Изоҳ (0)