2017-yilda Qozog‘iston, Tojikiston, Latviya, Qirg‘iziston va Tataristonda O‘zbekiston mahsulotlari ko‘rgazmalari o‘tkazilib, umumiy qiymati qariyb 64 million dollarga teng 140 ga yaqin kelishuv imzolandi. Bu haqda Savdo-sanoat palatasi ma’lum qildi, deya xabar beradi “Xalq so‘zi”.
Shuningdek, tashkil etilgan xalqaro ko‘rgazma va yarmarkalarda qiymati 21 million dollarga yaqin 145 dan ortiq hujjat imzolandi.
Rossiya, Qozog‘iston, Qirg‘iziston, Tojikiston, Xitoy, Janubiy Koreya, Yaponiya, Chexiya, Shvetsiya, Belgiya, Estoniya, Germaniya, Gretsiya, Turkiya ishbilarmon doiralari tashriflari amalga oshirilib, 20 dan ortiq biznes-forum uyushtirildi. Natijada O‘zbekistonda 10 ta qo‘shma korxona tashkil etilib, qator istiqbolli kelishuvlarga erishildi.
Mahalliy tadbirkorlar tomonidan tayyorlangan mahsulotlarni xorijga yetkazib berish masalasi ham e’tibordan chetda qolmadi. O‘tgan yili 200 dan ko‘proq mahalliy tadbirkorlik subyektlarining salkam 60 million dollarlik mahsuloti xorijlik buyurtmachilarga yetkazib berildi.
Izoh (0)