2017 йилда Қозоғистон, Тожикистон, Латвия, Қирғизистон ва Татаристонда Ўзбекистон маҳсулотлари кўргазмалари ўтказилиб, умумий қиймати қарийб 64 миллион долларга тенг 140 га яқин келишув имзоланди. Бу ҳақда Савдо-саноат палатаси маълум қилди, дея хабар беради «Халқ сўзи».
Шунингдек, ташкил этилган халқаро кўргазма ва ярмаркаларда қиймати 21 миллион долларга яқин 145 дан ортиқ ҳужжат имзоланди.
Россия, Қозоғистон, Қирғизистон, Тожикистон, Хитой, Жанубий Корея, Япония, Чехия, Швеция, Бельгия, Эстония, Германия, Греция, Туркия ишбилармон доиралари ташрифлари амалга оширилиб, 20 дан ортиқ бизнес-форум уюштирилди. Натижада Ўзбекистонда 10 та қўшма корхона ташкил этилиб, қатор истиқболли келишувларга эришилди.
Маҳаллий тадбиркорлар томонидан тайёрланган маҳсулотларни хорижга етказиб бериш масаласи ҳам эътибордан четда қолмади. Ўтган йили 200 дан кўпроқ маҳаллий тадбиркорлик субъектларининг салкам 60 миллион долларлик маҳсулоти хорижлик буюртмачиларга етказиб берилди.
Изоҳ (0)