APLda g‘alati tur: “Arsenal” va “Yunayted” 2 ta, “Chelsi” esa 3 ta gol farqi bilan mag‘lub bo‘ldi

Futbol bo‘yicha Angliya Premyer-Ligasi klublari 25-tur bellashuvlarini yakunlab oldi. Mazkur tur kuchli oltilik vakillarining teng yarmi mag‘lub bo‘lgani bilan esda qoldi.

APL. “Suonsi” Uelsda “Liverpul”dan keyin “Arsenal”ni ham taslim qildi. London derbisida durang

“Chelsi” so‘nggi turda 4 ta gol farqi bilan zafar quchgandi. Bu safar Antonio Konte jamoasi o‘z maydonida o‘rtamiyona “Bornmut”dan yirik mag‘lubiyat qabul qilib oldi — 0:3. Ikki tur avval “Arsenal”ni taslim qilgan Eddi Xau jamoasi, bu safar Londonning boshqa bir yetakchisini mahf eta oldi.

Mazkur turning markaziy o‘yinida “Manchester Yunayted” yengildi. “Tottenhem”ga qarshi saf tortgan “mankunianlar” joriy mavsumdagi eng tezkor golni o‘tkazib yubordi. Bu 40-soniyaga to‘g‘ri keldi. Keyinroq Jons o‘z darvozasiga to‘p kiritdi. “Shporlar” qolgan daqiqalarda “Yunayted” a’zolariga o‘yin bermadi.

Angliya Premyer-Ligasi 25-tur bellashuvlari 31-yanvar, chorshanba

“Everton” — “Lester” 2:1

Gollar: Teo Uolkott, 25 (1:0). Teo Uolkott, 39 (2:0). Jeymi Vardi, 71-pen (2:1).

“Chelsi” — “Bornmut” 0:3

Gollar: Kallum Uilson, 51 (0:1). Junior Stanislas, 64 (0:2). Natan Ake, 67 (0:3).

“Sautgempton” — “Brayton” 1:1

Gollar: Glen Myurrey, 14-pen (0:1). Jek Stivens, 64 (1:1).

“Nyukasl” — “Byornli” 1:1

Gollar: Jamal Laskelles, 65 (1:0). Sem Vouks, 85 (1:1).Noaniq penalti: Xoselu, 33 (N).

“Tottenhem” — “Manchester Yunayted” 2:0

Gollar: Kristian Eriksen, 1 (1:0). Fil Jons, 28-avt (2:0).

“Stok Siti” — “Uotford” 0:0

“Manchester Siti” — “Vest Bromvich” 3:0

Gollar: Fernandinyo, 19 (1:0). Kevin de Bryuyne, 68 (2:0). Serxio Aguero, 90 (3:0).