O‘zbekiston—Qirg‘iziston—Xitoy avtomobil yo‘lagini shakllantirish, mazkur davlatlar o‘rtasida xalqaro avtomobil qatnovi sohasida hamkorlikni yanada rivojlantirish maqsadida Toshkentda 22—25-yanvar kunlari ikki va uch tomonlama muzokaralar bo‘lib o‘tdi. Bu haqda UZ24 xabar bermoqda.
22-yanvar kuni bo‘lib o‘tgan muzokaralar yakuni bo‘yicha O‘zbekiston va Qirg‘iziston o‘rtasida quyidagi muntazam avtobus yo‘nalishlarini tiklash yuzasidan kelishuvga erishildi:
Toshkent — Bishkek (“G‘ishtko‘prik”/ “Jibek joli” o‘tkazish punkti orqali);
Andijon — O‘sh (“Do‘stlik”/ “Dostuk”);
Farg‘ona—O‘sh (“O‘zbekiston”/ “Qizilqiya”).
23-yanvar kuni O‘zbekiston va Xitoy ekspertlarining xalqaro avtomobil qatnovi masalalari bo‘yicha birinchi yig‘ilishi bo‘lib o‘tdi. Unda avtomobilda xalqaro yuk tashishni amalga oshirish uchun ruxsat blanklarini o‘zaro almashishni yo‘lga qo‘yish, shuningdek, O‘zbekiston avtotransport vositalarini Xitoy hududi bo‘ylab to‘siqlarsiz yuk tashishi bo‘yicha kelishuvlarga erishildi.
Izoh (0)