Bugun — 28-yanvar kuni Toshkentda professional boks kechasi bo‘lib o‘tadi. Undan 17 ta jang o‘rin olgan

Poytaxt Toshkent professional boks kechasiga mezbonlik qiladi. Unda mezbon charm qo‘lqop ustalaridan tashqari Qirg‘iziston, Vyetnam hamda Chechenistondan kelgan bokschilar ringga chiqadi.

17:00 da start oladigan boks kechasi o‘z ichiga 17 ta jangni oladi. “Temurlang” promousheni tomonidan tashkil etilayotgan oqshomga O‘zbekiston taekvondo federatsiyasi majmuasi mezbonlik qiladi.

Shu kuni WFA chempioni hisoblangan Jamshid Najmiddinov (17-1-0) ham ringga ko‘tariladi. Quyida juftliklar taqdim etilgan.

• 57,1 kg: Humoyun Rustamov (Andijon) — Davron Ismoilov (Nurafshon)
• 72,6 kg: Shahzod Saidmirzayev (Toshkent) — Jasur Abduvohidov (Farg‘ona)
• 76,6 kg: Davron Qurbonboyev (Toshkent) — Bunyod Usmonov (Farg‘ona)
• 63,5 kg: Jasur Ahmadjonov (Toshkent) — Farruh Meliboyev (Guliston)
• 66,7 kg: Azim Yusupov (Toshkent) —Olloyor Hasanov (Farg‘ona)
• 66,7 kg: Muhammadsalim Sotiboldiyev (Andijon) — Abdurasul Ismoilov (Urganch)
• 69,8 kg: Xusniddin Po‘latov (Andijon) — Olloyor G‘oipov (Farg‘ona)
• 61,2 kg: Burgut Hojiboyev (Chust) — Aziz Temirov (Qarshi)
• 90,9 kg: Umid Rustamov (Toshkent) — Muhammadjon Tursunov (Andijon)
• 63,5 kg: Ulug‘bek Sobirov (Andijon) — Shahzod Siddiqov (Jizzax)
• 57,1 kg: Beksulton Ravshanov (Chirchiq) — Abdulaziz Qahhorjonov (Chust)
• 61,2 kg: Nguyen Ngos Xai (Vyetnam) — Ahror Sotiboldiyev (Qirg‘iziston)
• 63,5 kg: Visxan Mirzabekov (Checheniston) — Ulug‘bek Xolov (Qarshi)
• 69,8 kg: Jamshidbek Najmiddinov (Andijon) — Sherxon Mashrabjonov (Farg‘ona)
• 55,2 kg: Olim Nazarov (Toshkent) — Bekzat Irisov (Qirg‘iziston)
• 76,2 kg: Muhiddin Rajabboyev (Yangibozor) —Bobur Alimov (Andijon)
• 66,7 kg: Anvar Turopov (G‘azalkent) — Eldor Saidov (Andijon)

Promouterlik kompaniyamiz faoliyatiga ko‘p bo‘lmadi. Ammo hozirga kelib, salmoqli yutuqlarni qo‘lga kiritib ulgurdik. Jamshidbek Najmiddinovning WFA yo‘nalishi bo‘yicha jahon chempioni bo‘lgani bunga misol bo‘la oladi. Maqsadimiz — yurtimizda professional boks ommaviyligini oshirish.

Bu borada O‘zbekiston professional boks federatsiyasi mutassadillari bilan hamfikir bo‘lib ish yuritmoqdamiz. Federatsiyaning bizga bo‘lgan ishonchi uchun o‘z minnatdorchiligimni bildiraman.

Xusrav Nasrullayev, “Temurlang” promousheni rahbari