Indoneziyaning Matarama shahri meri Axiyar Abdux yaqinda ishga olingan politsiyachilarga oyog‘i bilan zarba berib, ularning kuchi va chidamliligini sinab ko‘rdi. “RIA Novosti” holat aks etgan videoni taqdim etdi.
Hodisa Jamoat tartibi agentligining yangi xodimlarini tayinlash marosimida yuz bergan. Kun-fu va boshqa yakka kurash turlari bo‘yicha yutuqlarga ega bo‘lgan Abdux ofitserlarni safga tizgan va har birining ko‘krak qismiga zarba bergan.
Video tarmoqlarda tarqalgach, merning xatti-harakati tanqidlarga sabab bo‘lgan. Jamoat tartibi agentligi esa bu holatga izoh berib, merning harakati uning tajovuzkorligini ifodalamasligini, buning odatiy holat ekanligini ma’lum qilgan. Agentlik rahbari politsiyachilar bunday tekshiruvdan o‘tishdan baxtli ekanligini qo‘shimcha qilgan.
Izoh (0)