Ulug‘bek Ro‘ziqulov “O‘zbekiston havo yo‘llari” milliy aviakompaniyasi bosh direktori lavozimidan ozod qilindi. Bu haqda “Gazeta.uz” ma’lum qildi.
U o‘tgan yil avgust oyida O‘zbekiston bosh vazir o‘rinbosari — “O‘zavtosanoat” boshqaruvi raisligidan ozod etilgan va mazkur lavozimga tayinlangandi.
Bungacha esa milliy aviakompaniyaga 15 yil davomida Valeriy Tyan rahbarlik qilib keldi.
Ulug‘bek Ro‘ziqulovning o‘rniga hozirga qadar bosh direktorning birinchi o‘rinbosari, ungacha esa Toshkent xalqaro aeroporti direktori lavozimida ishlagan Baxtiyor Hakimov tayinlangani bildirilmoqda.
Mazkur lavozim o‘zgarishi internet-nashrlar va ijtimoiy tarmoqlarda “O‘zbekiston havo yo‘llari” aviareyslariga chiptalar o‘ta qimmatligi bilan bog‘liq tanqidlar asnosida amalga oshirildi.
Izoh (0)