Улуғбек Рўзиқулов «Ўзбекистон ҳаво йўллари» миллий авиакомпанияси бош директори лавозимидан озод қилинди. Бу ҳақда «Газета.uz» маълум қилди.
У ўтган йил август ойида Ўзбекистон бош вазир ўринбосари — «Ўзавтосаноат» бошқаруви раислигидан озод этилган ва мазкур лавозимга тайинланганди.
Бунгача эса миллий авиакомпанияга 15 йил давомида Валерий Тян раҳбарлик қилиб келди.
Улуғбек Рўзиқуловнинг ўрнига ҳозирга қадар бош директорнинг биринчи ўринбосари, унгача эса Тошкент халқаро аэропорти директори лавозимида ишлаган Бахтиёр Ҳакимов тайинлангани билдирилмоқда.
Мазкур лавозим ўзгариши интернет-нашрлар ва ижтимоий тармоқларда «Ўзбекистон ҳаво йўллари» авиарейсларига чипталар ўта қимматлиги билан боғлиқ танқидлар асносида амалга оширилди.
Изоҳ (0)