Erishilgan kelishuvlarga ko‘ra, Tojikiston va O‘zbekiston o‘rtasida “Fuqarolarning o‘zaro tashriflari to‘g‘risida”gi yangi hujjat imzolanadi. Unga asosan ikki mamlakat fuqarolari O‘zbekiston va Tojikiston hududida vizasiz bir oyga qadar yurishlari mumkin bo‘ladi, deb xabar berdi “News.tj”.
Tojikiston hukumatidagi manbaning xabar berishicha, tomonlar yaqin vaqtlar ichida yo‘lovchi poyezdlari va avtobuslar qatnovini yo‘lga qo‘yishni, shuningdek, mamlakat chegaralarida yangi o‘tkazish-nazorat punktlarini ochish rejasi mavjudligini tasdiqlagan.
Yuqorida aytib o‘tilgan masalalar bo‘yicha davlatlararo va hukumatlararo bitimlar O‘zbekiston Prezidentining bahor boshida Dushanbega uyushtirishi rejalashtirayotgan davlat tashrifi chog‘ida imzolanishi kutilmoqda.
Izoh (0)