To‘rtinchi bor Rossiya prezidentligiga nomzodi ilgari surilayotgan Vladimir Putinning saylov fondi maksimal miqdor — 400 million rublga yetdi. Bu haqda Rossiya markaziy saylov komissiyasining 5-yanvarga oid hisobotida ma’lum qilindi, deb xabar beradi Meduza.
Putin fondiga 23 tashkilot, asosan “Yedinaya Rossiya” hamda mintaqaviy hamkorlik va taraqqiyot fondlari tomonidan 2 milliondan 28 million rublgacha xayriya kelib tushdi.
Xususiy shaxslardan faqat bir kishi yirik miqdorda — 30 ming rubl taqdim etgani bildirilmoqda.
Olingan mablag‘lardan Putin targ‘ibot materiallarini tayyorlashga 9 million rubl sarflashga ulgurdi.Ma’lumot uchun, Putin o‘tgan yil 28-dekabrida hisob raqamini ochish huquqini qo‘lga kiritgandi.
Izoh (0)