Madagaskarda o‘lat epidemiyasiga qarshi kurash davom etmoqda, ammo bemorlar ukoldan qo‘rqib, klinikalardan qochib ketayotgani vaziyatni murakkablashtirmoqda. Bu haqda, Daily Mail nashriga asoslanib, “RIA Novosti” xabar bermoqda.
Shifoxonalar qorovullarining aytishicha, ular muntazam ravishda qochishga uringan bemorlarni ushlab qoladi. Bir kishi qochib ketishga muvaffaq bo‘ldi, ammo, ahvoli yomonlashgach, o‘zi qaytib keldi.
“Odamlar shifoxonalarga o‘rganmagan… Klinikalar qurishning o‘zi yetarli emas, odamlar u yerga borishi ham kerak”, — dedi YuNISEF vakili Jan Benua-Manxes.
Oktabr oyining boshidan buyon Madagaskarda 140 dan ortiq odam o‘lat qurboni bo‘ldi, 2 ming kishi xastalikdan davolanmoqda.
Izoh (0)