O‘zbekiston Respublikasi Oliy Majlisi Senati raisi Nig‘matilla Yo‘ldoshev va O‘zbekiston Respublikasi Prezidentining Davlat maslahatchisi Umar Ismoilov 2017-yil 16-noyabr kuni Shavkat Mirziyoyev topshirig‘iga ko‘ra Tashqi ishlar vaziri Abdulaziz Komilovga “Fidokorona xizmatlari uchun” ordenini topshirdi. Bu haqda TIV matbuot xizmati xabar bermoqda.
O‘zbekiston mustaqilligini mustahkamlashdagi ulkan xizmatlari, O‘zbekiston manfaatlarini xalqaro maydonda himoya qilish va ilgari surishdagi ko‘p yillik samarali mehnati va 70 yoshga to‘lishi munosabati bilan O‘zbekiston Respublikasi Prezidenti Shavkat Mirziyoyev TIV rahbarini yuqori davlat nishoni bilan mukofotladi.
Abdulaziz Hafizovich Komilovning tarjimai holi
Tug‘ilgan yili: 1947-yil, Toshkent viloyati, Yangiyo‘l shahri.
Millati: O‘zbek
Ma’lumoti: Oliy
“Mehnat shuhrati”, “Do‘stlik”, “O‘zbekiston belgisi” va “O‘zbekiston Respublikasi Mustaqilligiga 20 yil” davlat mukofotlari bilan taqdirlangan.
Oilali, bitta farzandi bor.
Mehnat faoliyati:
1973 — 1976 yy — SSSRning Livandagi elchixonasi attashesi
1978 — 1980 yy — SSSR FA Sharqshunoslik instituti aspiranti
1980 — 1984 yy — SSSRning Suriyadagi elchixonasi 2-kotibi
1984 — 1988 yy — SSSR Tashqi ishlar vazirligi Yaqin Sharq bo‘limining xodimi
1988 — 1991 yy — SSSR FA Jahon iqtisodiyoti va xalqaro munosabatlar institutining katta ilmiy xodimi
1991 — 1992 yy — O‘zbekiston Respublikasining Rossiyadagi elchixonasi maslahatchisi
1992 — 1994 yy — O‘zbekiston Respublikasi Milliy xavfsizlik xizmati raisining o‘rinbosari
1994 — 1994 yy — O‘zbekiston Respublikasi Tashqi ishlar vazirining birinchi o‘rinbosari
1994 — 2003 yy — O‘zbekiston Respublikasi Tashqi ishlar vaziri
1998 — 2003 yy — Jahon iqtisodiyoti va diplomatiya universiteti rektori
2003 — 2003 yy — O‘zbekiston Respublikasi Prezidentining Tashqi-siyosiy masalalar bo‘yicha maslahatchisi
2003 — 2010 yy — O‘zbekiston Respublikasining AQShdagi Favqulodda va Muxtor elchisi
2004 — 2010 yy — O‘zbekiston Respublikasining qarorgohi Vashingtonda joylashgan Kanadadagi Favqulodda va Muxtor elchisi
2008 — 2010 yy — O‘zbekiston Respublikasining qarorgohi Vashingtonda joylashgan Braziliya Federativ Respublikasidagi Favqulodda va Muxtor elchisi
2010 — 2012 yy — O‘zbekiston Respublikasi Tashqi ishlar vazirining birinchi o‘rinbosari
2012-yil yanvardan O‘zbekiston Respublikasi Tashqi ishlar vaziri
Izoh (0)