Абдулазиз Комилов «Фидокорона хизматлари учун» ордени билан тақдирланди

Ўзбекистон Республикаси Олий Мажлиси Сенати раиси Ниғматилла Йўлдошев ва Ўзбекистон Республикаси Президентининг Давлат маслаҳатчиси Умар Исмоилов 2017 йил 16 ноябрь куни Шавкат Мирзиёев топшириғига кўра Ташқи ишлар вазири Абдулазиз Комиловга «Фидокорона хизматлари учун» орденини топширди. Бу ҳақда ТИВ матбуот хизмати хабар бермоқда.

Ўзбекистон мустақиллигини мустаҳкамлашдаги улкан хизматлари, Ўзбекистон манфаатларини халқаро майдонда ҳимоя қилиш ва илгари суришдаги кўп йиллик самарали меҳнати ва 70 ёшга тўлиши муносабати билан Ўзбекистон Республикаси Президенти Шавкат Мирзиёев ТИВ раҳбарини юқори давлат нишони билан мукофотлади.

Абдулазиз Ҳафизович Комиловнинг таржимаи ҳоли

Туғилган йили: 1947 йил, Тошкент вилояти, Янгийўл шаҳри.

Миллати: Ўзбек

Маълумоти: Олий

«Меҳнат шуҳрати», «Дўстлик», «Ўзбекистон белгиси» ва «Ўзбекистон Республикаси Мустақиллигига 20 йил» давлат мукофотлари билан тақдирланган.

Оилали, битта фарзанди бор.

Меҳнат фаолияти:

1973 — 1976 йй — СССРнинг Ливандаги элчихонаси атташеси

1978 — 1980 йй — СССР ФА Шарқшунослик институти аспиранти

1980 — 1984 йй — СССРнинг Суриядаги элчихонаси 2-котиби

1984 — 1988 йй — СССР Ташқи ишлар вазирлиги Яқин Шарқ бўлимининг ходими

1988 — 1991 йй — СССР ФА Жаҳон иқтисодиёти ва халқаро муносабатлар институтининг катта илмий ходими

1991 — 1992 йй — Ўзбекистон Республикасининг Россиядаги элчихонаси маслаҳатчиси

1992 — 1994 йй — Ўзбекистон Республикаси Миллий хавфсизлик хизмати раисининг ўринбосари

1994 — 1994 йй — Ўзбекистон Республикаси Ташқи ишлар вазирининг биринчи ўринбосари

1994 — 2003 йй — Ўзбекистон Республикаси Ташқи ишлар вазири

1998 — 2003 йй — Жаҳон иқтисодиёти ва дипломатия университети ректори

2003 — 2003 йй — Ўзбекистон Республикаси Президентининг Ташқи-сиёсий масалалар бўйича маслаҳатчиси

2003 — 2010 йй — Ўзбекистон Республикасининг АҚШдаги Фавқулодда ва Мухтор элчиси

2004 — 2010 йй — Ўзбекистон Республикасининг қароргоҳи Вашингтонда жойлашган Канададаги Фавқулодда ва Мухтор элчиси

2008 — 2010 йй — Ўзбекистон Республикасининг қароргоҳи Вашингтонда жойлашган Бразилия Федератив Республикасидаги Фавқулодда ва Мухтор элчиси

2010 — 2012 йй — Ўзбекистон Республикаси Ташқи ишлар вазирининг биринчи ўринбосари

2012 йил январдан Ўзбекистон Республикаси Ташқи ишлар вазири