Italiya A seriyasining 12-turini Rimning “Latsio” klubi futbolchilari o‘tkaza olmadi. Mavsumni yaxshi ishtaha bilan davom ettirayotgan Simone Indzagi shogirdlariga kuchli yomg‘ir halal berdi va ularning “Udineze”ga qarshi bellashuvi boshqa sanaga qoldirildi.
Chempionlik uchun kurash olib borayotgan ikki klub — “Napoli” va “Inter” esa 2 tadan ochko boy berdi. Mavsumni mag‘lubiyatsiz davom ettirayotgan bu klublar o‘zaro durang o‘ynagandi. Endi “Inter” o‘z uyida Turinning “Torino” klubini yenga olmadi, neapollik futbolchilar esa Verona shahrida ochko yo‘qotdi.
Turin shahrining ikkinchi klubi qayd etgan durang, shaharning boshqa bir jamoasi “Yuventus”ga qo‘l kelib, Massimiliano Allegri shogirdlari turnir jadvalida milanliklardan o‘zib olishga muvaffaq bo‘ldi. Rimning ikki klubi qoldirilgan o‘yinlarda 3 ochkodan qo‘lga kiritsa, “Inter”dagi mushkulot yanada ko‘payashi turgan gap.
Vinchentso Montella boshqaruvidagi “Milan” shu turda ham zafar quchmasa, bosh murabbiy iste’foga chiqadi, degan mish-mishlar yurgandi. Shu tariqa futbolchilar harakatga tushib qoldi va “Milan” safardan ishonchli g‘alaba bilan qaytdi.
Italiya A seriyasi 12-tur uchrashuvlari 5-noyabr, yakshanba
“Inter” — “Torino” 1:1
Gollar: Yago, 60 (0:1). Eder, 79 (1:1).“Yuventus” — “Benevento” 2:1
Gollar: Amato Chichiretti, 19 (0:1). Gonsalo Iguain, 57 (1:1). Xuan Kuadrado, 66 (2:1).“Fiorentina” — “Roma” 2:4
Gollar: Jerson, 5 (0:1). Jordan Veretu, 9 (1:1). Jerson, 30 (1:2). Jovanni Simeone, 39 (2:2). Kostas Manolas, 50 (2:3). Diyego Perotti, 87 (2:4).“Kyevo” — “Napoli” 0:0
“Sassuolo” — “Milan” 0:2
Gollar: Alessio Romanyoli, 39 (0:1). Suso, 67 (0:2).“Latsio” — “Udineze” (qoldirildi)
Izoh (0)