Италия А сериясининг 12-турини Римнинг «Лацио» клуби футболчилари ўтказа олмади. Мавсумни яхши иштаҳа билан давом эттираётган Симоне Индзаги шогирдларига кучли ёмғир ҳалал берди ва уларнинг «Удинезе»га қарши беллашуви бошқа санага қолдирилди.
Чемпионлик учун кураш олиб бораётган икки клуб — «Наполи» ва «Интер» эса 2 тадан очко бой берди. Мавсумни мағлубиятсиз давом эттираётган бу клублар ўзаро дуранг ўйнаганди. Энди «Интер» ўз уйида Туриннинг «Торино» клубини енга олмади, неаполлик футболчилар эса Верона шаҳрида очко йўқотди.
Турин шаҳрининг иккинчи клуби қайд этган дуранг, шаҳарнинг бошқа бир жамоаси «Ювентус»га қўл келиб, Массимилиано Аллегри шогирдлари турнир жадвалида миланликлардан ўзиб олишга муваффақ бўлди. Римнинг икки клуби қолдирилган ўйинларда 3 очкодан қўлга кирица, «Интер»даги мушкулот янада кўпаяши турган гап.
Винченцо Монтелла бошқарувидаги «Милан» шу турда ҳам зафар қучмаса, бош мураббий истеъфога чиқади, деган миш-мишлар юрганди. Шу тариқа футболчилар ҳаракатга тушиб қолди ва «Милан» сафардан ишончли ғалаба билан қайтди.
Италия А серияси 12-тур учрашувлари 5 ноябрь, якшанба
«Интер» — «Торино» 1:1
Голлар: Яго, 60 (0:1). Эдер, 79 (1:1).«Ювентус» — «Беневенто» 2:1
Голлар: Амато Чичиретти, 19 (0:1). Гонсало Игуаин, 57 (1:1). Хуан Куадрадо, 66 (2:1).«Фиорентина» — «Рома» 2:4
Голлар: Жерсон, 5 (0:1). Жордан Верету, 9 (1:1). Жерсон, 30 (1:2). Жованни Симеоне, 39 (2:2). Костас Манолас, 50 (2:3). Диего Перотти, 87 (2:4).«Кьево» — «Наполи» 0:0
«Сассуоло» — «Милан» 0:2
Голлар: Алессио Романьоли, 39 (0:1). Сусо, 67 (0:2).«Лацио» — «Удинезе» (қолдирилди)
Изоҳ (0)