AQSh qurolli kuchlari serjanti, 2014-yili “Tolibon” asirligidan ozod qilingan Boui Bergdal hibsdan qutulib qoldi. Bu haqda, The Washington Post gazetasiga asoslanib, “Interfaks” xabar bermoqda.
U 2009–2014-yillarda “Tolibon” jangarilari qo‘lida tutqun bo‘ldi. AQSh harbiy rahbariyati serjantni radikal harakatning bir qancha asir jangarilariga almashtirishga kelishib olib, uni qutqardi. Ammo shundan keyin Bergdal dezertirlik qilganini, ya’ni armiya saflaridan qochganini tan oldi.
Dezertirlik bo‘yicha serjantning ishini ko‘rib chiqqan sud Bergdal sharmanda qilinib, qurolli kuchlar safidan chiqarib yuborilishini hukm qildi, lekin unga qamoq jazosi bermadi.
Sud, shuningdek, Bergdalni urush faxriylariga beriladigan tibbiy sug‘urtadan mahrum qilib, 10 oy ichida ming dollar jarima to‘lashga hukm etdi.
Oktabr oyida Bergdal Afg‘onistondagi bazada navbatchilik chog‘ida postni tark etganini va shunda qo‘lga tushganini tan olgan edi. Bu dezertirlikka tenglashtiriladi.
Izoh (0)