Tokiodagi avtosalonda Honda kompaniyasi Ie-Mobi Concept transport vositasining konsepsiyasini taqdim etdi. Kompaniya vakillarining so‘zlariga ko‘ra, mashinadan yashash mumkin bo‘lgan xona sifatida ham foydalansa bo‘ladi — uning maydoni 4,95 kvadrat mertga teng, deb xabar berdi “Motor”.
Konsept-karning nomi yaponchada “uy” ma’nosini bildiradi. Ie-Mobi’ni uy sharoitida quvvatlantirish mumkin bo‘lgan elektr batareyalari harakatga keltiradi. Shu bilan birga prototip uyning energiya tizimiga ulanib, favqulodda energiya manbaiga aylana oladi. Uning ichiga oddiy o‘rindiqlar o‘rniga tekkis yog‘och polga o‘rnatilgan uchta mebel o‘rindiq joylashtirilgan.
Shuningdek, Honda kompaniyasi Tokiodagi avtosalonda ikki o‘rindiqli Fure-Mobi nogironlar aravachasini, o‘zi harakatlana oladigan RobaCas, harakatlanuvchi Chari-Mobi o‘rindig‘i va Ai-Miimo uy roboti kabi ixtirolarining konsepsiyasini ham namoyish etdi.
Izoh (0)