Volkswagen Kübelwagen yengil harbiy avtomobilini yangicha ko‘rinishda tiklashni rejalashtirmoqda. Bu haqda Germaniya avtokonserni rahbari Gerbert Diyess ma’lum qildi, deya xabar beradi “Motor” .
Diyessga ko‘ra, Kübelwagen bozorga elektromobil tariqasida qaytishi mumkin. Uning uchun yangi MEB (Modular Electrification Toolkit) elektrik platformasi asos bo‘lib xizmat qiladi.
Retro-avtomobil bozorda qiziqarli taklif bo‘lishi ehtimoldan xoli emas, shu sabali Volkswagen boshqa modellarni ham tiklashdan manfaatdor.
To‘liq Volfsburgda loyihalashtirilgan va ishga tushirilgan Kübelwagen avtomobilining harbiy talqini 1968-yildan 1983-yilgacha chiqarilgandi. Mashinaning odatiy versiyasi esa Germaniyada Kurierwagen, Buyuk Britaniyada Trekker, AQShda Thing, Meksika va Janubiy Amerikada Safari nomi ostida sotilgan.
Izoh (0)