London rasmiylari ko‘p miqdorda tutun chiqaruvchi mashinalarga shahar markazida harakatlanishi uchun to‘lov joriy qildi

London rasmiylari ko‘p miqdorda zaharli tutun chiqaruvchi eski mashinalarning poytaxt markazida harakatlanishi uchun to‘lov joriy qildi. Yangi choralar 23-oktabrdan kuchga kirdi, ular Buyuk Britaniya poytaxtida havo sifatini yaxshilashga yo‘naltirilgan. Bu haqda TJournal xabar berdi.

To‘lovlar asosan 2006-yilgacha ro‘yxatdan o‘tgan benzin va dizel yoqilg‘isida harakatlanuvchi avtomobillar egalariga taalluqli. London markazida harakatlanish uchun amalda bo‘lgan to‘lov — 11,5 funt sterlingni hisobga olgan holda, eski mashinalar egalari uchun to‘lov 21,5 funt sterlingni tashkil qiladi. To‘lov shahar markazida 07:00 dan 18:00 gacha bo‘lgan vaqt oralig‘idagi harakat uchun olinadi.

To‘lov London Yuqori sudining britaniya hukumati tomonidan qabul qilingan choralar BMT talablarini qoniqtirmasligini haqidagi qaroridan so‘ng tasdiqlandi.