Fransiya chempionati vakillari kuchli beshlikning qolgan jamoalaridan 1 ta tur ilgarilab ketgan. Ular dam olish kunlari 10-tur bellashuvlarini yakunlab berdi.
“Napoli” ilk bor ochko yo‘qotdi. “Yuventus” 6 ta gol urdi. Rim klublarida g‘alaba, Milan klublarida durang
Amaldagi chempion “Monako” ketma-ket ikki turda ochko yo‘qotgani yetmaganidek, Chempionlar Ligasida ham muvaffaqiyatsiz yurish qilayotgandi. Leonardu Jardim jamoasi mazkur turda ishonchli g‘alabani qo‘lga kiritdi.Payshanba kuni Liverpul shahrida “Everton”ni taslim qilishga muvaffaq bo‘lgan “Lion” esa yirik g‘alabaga erishdi. O‘tgan mavsumda “Yunayted”dan olib kelingan gollandiyalik Memfis Depay uchrashuvda xet-trikka erishdi.
Chempionlik uchun asosiy da’vogar bo‘lgan “PSJ” ikkinchi bor ochko yo‘qotdi. Bungacha 7-turni safarda “Monpelye”ga qarshi o‘tkazib, golsiz durang natijaga imzo chekkan Unai Emeri shogirdlari, endilikda Marselda ochko yo‘qotdi — 2:2. Parijliklar yetakchisi Neymar qizil kartochka olib, jamoadoshlarini qiyin ahvolda qoldirgandi. U chiqisha olmayotgan urugvaylik Edinson Kavani esa so‘nggi soniyalarda “PSJ”ni mag‘lubiyatdan qutqarib qoldi.
Fransiya Birinchi Ligasi 10-tur bellashuvlari 21-oktabr, shanba
“Monako” — “Kan” 2:0
Gollar: Keyta Balde, 22 (1:0). Radamel Falkao, 59-pen (2:0).22-oktabr, yakshanba
“Trua” — “Lion” 0:5
Gollar: Bertran Traore, 21 (0:1). Memfis Depay, 49 (0:2). Memfis Depay, 66 (0:3). Memfis Depay, 70-pen (0:4). Mariano Dias, 90 (0:5).Chetlatish: Kristof Erell, 69 (T).“Marsel” — “PSJ” 2:2
Gollar: Luis Gustavo, 16 (1:0). Neymar, 33 (1:1). Florian Toven, 78 (2:1). Edinson Kavani, 93+ (2:2).Chetlatish: Neymar, 87 (P).
Izoh (0)