Si Szinpin internet ustidan nazorat o‘rnatishga va’da berdi

Xitoy kompartiyasi bosh kotibi Si Szinpin partiyaning 19-syezdining ochilish marosimida nazorat qilinadigan va sof internet makonini yaratish haqida ma’lum qildi, deb yozadi “Kommersant”.

“Biz internetdagi kontent bilan bog‘liq faoliyatni yo‘lga qo‘yamiz. Internet ustidan nazorat tizimini yaratamiz, uning sofligini ta’minlaymiz”, — deydi Xitoy yetakchisi.

Si Szinpin internetda asossiz ma’lumotlar ko‘pligiga e‘tibor qaratdi. Xitoy yetakchisi bunday ma’lumotlar internet ustidan nazorat tizimini yaratish rejasiga to‘sqinlik qilishi mumkinligi qayd etdi.

Si Szinpin shuningdek, bunday ma’lumotlarga qarshi turish pozitsiyasini shakllantirish zaruriyati haqida ham gapirdi.

U jamoatchilik ishonchini qozonish vositasi sifatida OAVning rolini ham alohida qayd etdi.