Turkiyaning Idlib (Suriya) viloyatida o‘tkazayotgan operatsiyasidan ko‘zlangan asosiy maqsadi hududda o‘t ochishni to‘xtatishdan iborat. Bu haqda Turkiyaning Rossiyadagi elchisi Husayn Diriozning so‘zlariga asoslanib, “Kommersant” xabar bermoqda.
“Hozirgi vaqtda Idlibdagi maxsus rejim zonasi masalasi muhokama qilinmoqda.
Yaqinda biz tomonimizdan u yerda kuzatuv punkti o‘rnatildi. Biz o‘t ochishni to‘xtatish va siyosiy tartibni ta’minlashga qaratilgan bu ishni davom ettirmoqdamiz”, — deydi elchi.
Turkiya hukumati Idlibda operatsiyalar boshlangani haqida 9-oktabrda ma’lum qilgan edi. To‘rt kundan so‘ng esa Turkiya Suriyaga harbiy texnika jo‘natgani haqida xabar berilgan edi.
Izoh (0)