Qirg‘iziston prezidenti saylovida yetakchilik qilayotgan Jeenbekov Atamboyevning yo‘lini davom ettirishga va’da berdi

Dastlabki ma’lumotlarga ko‘ra, Qirg‘iziston prezidenti saylovida g‘olib chiqqan mamlakat sobiq bosh vaziri Sooronbay Jeenbekov avvalgi ma’muriyat yo‘nalishini davom ettirishga hamda jamiyatda shakllanib qolgan qoidalar va o‘zaro munosabatlarni o‘zgartirmaslikka va’da bermoqda, deb yozadi “RIA Novosti”.

Qirg‘iziston Markaziy saylov komissiyasi rahbari Nurjan Shayldabekova ma’lum qilishicha, byulletenlarning 97 foizi hisoblab chiqilganidan keyin Jeenbekov 55 foiz ovozlarni qo‘lga kiritgani aniq bo‘lgan, bu uning birinchi bosqichdagi g‘alabasini ta’minlaydi.

Jeenbekov jurnalistlarga Qirg‘izistondagi saylov butun dunyoga faqat xalqqina davlat taqdirini hal qilishini ko‘rsatib berganini aytdi. Uning so‘zlariga ko‘ra, demokratik saylovlar o‘tkazishga amaldagi prezident Almazbek Atamboyev sharofati bilan muyassar bo‘lingan.

“Olti yil ichida juda ko‘p narsaga erishildi, mening vazifam esa — bularning hammasini saqlab qolish va mustahkamlash”, — dedi u.