Дастлабки маълумотларга кўра, Қирғизистон президенти сайловида ғолиб чиққан мамлакат собиқ бош вазири Сооронбай Жээнбеков аввалги маъмурият йўналишини давом эттиришга ҳамда жамиятда шаклланиб қолган қоидалар ва ўзаро муносабатларни ўзгартирмасликка ваъда бермоқда, деб ёзади «РИА Новости».
Қирғизистон Марказий сайлов комиссияси раҳбари Нуржан Шайлдабекова маълум қилишича, бюллетенларнинг 97 фоизи ҳисоблаб чиқилганидан кейин Жээнбеков 55 фоиз овозларни қўлга киритгани аниқ бўлган, бу унинг биринчи босқичдаги ғалабасини таъминлайди.
Жээнбеков журналистларга Қирғизистондаги сайлов бутун дунёга фақат халққина давлат тақдирини ҳал қилишини кўрсатиб берганини айтди. Унинг сўзларига кўра, демократик сайловлар ўтказишга амалдаги президент Алмазбек Атамбоев шарофати билан муяссар бўлинган.
«Олти йил ичида жуда кўп нарсага эришилди, менинг вазифам эса — буларнинг ҳаммасини сақлаб қолиш ва мустаҳкамлаш», — деди у.
Изоҳ (0)