AQShning O‘zbekistondagi elchisi Pamela Spartlen 11–13-oktabr kunlari Namangan viloyatida bo‘ldi. Bu haqda viloyat hokimligi axborot xizmati xabar bermoqda.
Viloyat hokimi Xayrullo Bozorov Pamela Spartlen xonim bilan muloqotda bo‘ldi.
Suhbat davomida AQShning nufuzli ta’lim muassasalari bilan hamkorlik o‘rnatish, professor-o‘qituvchilar va o‘quvchilarning tajriba almashinuvini yo‘lga qo‘yish, fan, madaniyat, san’at, axborot-kommunikatsiya texnologiyalari sohalariga ajratilayotgan investitsiyalar ko‘lamini kengaytirish, namanganlik tibbiyot xodimlarining xirurgiya, onkologiya va ortopediya yo‘nalishlari bo‘yicha tajriba va malaka almashinuvi bo‘yicha takliflar bildirildi.
Martabali mehmon tashrifi doirasida Namangan davlat universiteti axborot-resurs markazi, “Do‘stlik” akademik litseyi qoshidagi Access til o‘rgatish markazi, Davlatobod yengil sanoat kolleji hududidagi nodavlat o‘quv muassasasi faoliyati bilan yaqindan tanishdi, “Lola” buyum bozorida bo‘ldi.
Izoh (0)