АҚШнинг Ўзбекистондаги элчиси Памела Спартлен 11–13 октябрь кунлари Наманган вилоятида бўлди. Бу ҳақда вилоят ҳокимлиги ахборот хизмати хабар бермоқда.
Вилоят ҳокими Хайрулло Бозоров Памела Спартлен хоним билан мулоқотда бўлди.
Суҳбат давомида АҚШнинг нуфузли таълим муассасалари билан ҳамкорлик ўрнатиш, профессор-ўқитувчилар ва ўқувчиларнинг тажриба алмашинувини йўлга қўйиш, фан, маданият, санъат, ахборот-коммуникация технологиялари соҳаларига ажратилаётган инвестициялар кўламини кенгайтириш, наманганлик тиббиёт ходимларининг хирургия, онкология ва ортопедия йўналишлари бўйича тажриба ва малака алмашинуви бўйича таклифлар билдирилди.
Мартабали меҳмон ташрифи доирасида Наманган давлат университети ахборот-ресурс маркази, «Дўстлик» академик лицейи қошидаги Access тил ўргатиш маркази, Давлатобод енгил саноат коллежи ҳудудидаги нодавлат ўқув муассасаси фаолияти билан яқиндан танишди, «Лола» буюм бозорида бўлди.
Изоҳ (0)