Kataloniya yetakchisi Karles Puchdemon, avtonomiya hukumati va parlamentining bir necha o‘n a’zosi Kataloniya mustaqil davlat deb e’lon qilingan “Kataloniya vakillari deklaratsiyasi”ni imzoladi. Bu haqda Meduza xabar bermoqda.
La Vanguardia nashriga ko‘ra, hujjat huquqiy emas, ko‘proq ramziy ma’noga ega: Kataloniya parlamentida deklaratsiya uchun ovoz berish o‘tkazilmadi. Hujjatni hukmron koalitsiyaga kiruvchi deputatlar imzoladi.
Hujjatda Kataloniya dastlabki shartlarsiz Ispaniya bilan muzokaralarga tayyorligi, uning hududiga taalluqli xalqaro majburiyatlarni hurmat qilishi va Ispaniya ishtirok etayotgan xalqaro shartnomalarda qolishi bildirilgan.
Puchdemon bundan oldin, 10-oktabr kuni parlamentni Ispaniya rasmiylari bilan muloqot imkoniyati saqlanib qolishi uchun mustaqillik e’lon qilinishini qoldirib turishga chaqirdi.
Izoh (0)