Каталония етакчиси Карлес Пучдемон, автономия ҳукумати ва парламентининг бир неча ўн аъзоси Каталония мустақил давлат деб эълон қилинган «Каталония вакиллари декларацияси»ни имзолади. Бу ҳақда Meduza хабар бермоқда.
La Vanguardia нашрига кўра, ҳужжат ҳуқуқий эмас, кўпроқ рамзий маънога эга: Каталония парламентида декларация учун овоз бериш ўтказилмади. Ҳужжатни ҳукмрон коалицияга кирувчи депутатлар имзолади.
Ҳужжатда Каталония дастлабки шартларсиз Испания билан музокараларга тайёрлиги, унинг ҳудудига тааллуқли халқаро мажбуриятларни ҳурмат қилиши ва Испания иштирок этаётган халқаро шартномаларда қолиши билдирилган.
Пучдемон бундан олдин, 10 октябрь куни парламентни Испания расмийлари билан мулоқот имконияти сақланиб қолиши учун мустақиллик эълон қилинишини қолдириб туришга чақирди.
Изоҳ (0)