Yaponiyaning Fukusima okrug sudi 2011-yil bahorida “Fukusima-1” AESda ro‘y bergan avariya uchun davlat va Tokyo Electric Power energetika kompaniyasini aybdor deb topdi. Bu haqda “TASS” xabar bermoqda.
Sud jabrdiyda hududning da’vo kiritgan salkam 3,8 ming fuqarosiga tovon to‘lash haqida hukm chiqardi. To‘lov summasi ma’lum qilinmadi.
Hukmda davlat AES hududida shiddatli sunami ro‘y berishini bashorat qilish va fojianing oldini olish imkoniyatiga ega bo‘lgani, aholi ulkan moddiy va ma’naviy zarar ko‘rgani bildirilgan.
Ma’lumot uchun, Yaponiya sudi ikkinchi marotaba avariyada davlat va kompaniya aybini tan olmoqda.