Angliya terma jamoasi 2018-yil Rossiyada bo‘lib o‘tadigan Jahon Chempionatida ishtirok etuvchi Yevropaning uchinchi, dunyoning o‘ninchi jamoasiga aylandi.
Saralashning 9-turini Londonda Sloveniyaga qarshi o‘tkazgan inglizlar 94-daqiqaga kelibgina mundial chiptasini ijobiy hal qila oldi. Harri Keyn tomonidan urilgan gol sabab qolgan raqobatchilar inglizlarni quvib yetish imkoniyatini qo‘ldan chiqardi.
Mazkur turda guruhdagi hech bir terma jamoa 1 tadan ortiq gol ura olmadi. Pley-off yo‘llanmasi uchun kurash olib borayotgan Shotlandiya o‘z maydonida Slovakiyani taslim qilib, imkoniyatlarini yaxshilab oldi. 23-daqiqada Robert Mak qizil olgach, slovakiyalik futbolchilarning ishi qiyinlashib ketdi.
JCh—2018 da ishtirok etishi aniq bo‘lgan mamlakatlar:Rossiya, Braziliya, Eron, Yaponiya, Meksika, Belgiya, Janubiy Koreya, Saudiya, Germaniya, Angliya.
Angliya — Sloveniya 1:0
Gol: Harri Keyn, 94+ (1:0).Malta — Litva 1:1
Gollar: Andrey Agius, 23 (1:0). Vikintas Slivka, 53 (1:1).Shotlandiya — Slovakiya 1:0
Gol: Martin Shkrtel, 89-avt (1:0).Chetlatish: Robert Mak, 23 (S).
Izoh (0)