Dunyoda gonkongliklar hammadan ko‘ra ko‘proq sayohat qiladi. Bu haqda Movehub transport kompaniyasining tadqiqoti natijalariga tayanib, 34travel xabar bermoqda.
Ta’kidlanishicha, gonkongliklar bir yilda o‘rtacha 11,4 ta sayohatga chiqadi. Har bir sayohatga ular qariyb uch ming dollar sarflaydi.
Ikkinchi o‘rin Lyuksemburg aholisiga nasib etdi, ular yiliga o‘rtacha 2,4 marta sayohatga chiqadi. Sayohatlarning har biriga lyuksemburgliklar taxminan olti ming dollar sarflaydi. Uchinchi o‘rindan vengriyalik sayohatchilar joy egalladi. Ularning sayohatlari soni yiliga o‘rtacha 1,62 ta bo‘lib, har bir safar 250 dollarga tushadi.
Shuningdek, yetakchilar qatoridan Shvetsiya, Finlyandiya, Irlandiya, Singapur, Shveysariya, Daniya va Albaniya o‘rin olgan.
Izoh (0)